| |
Sacra N° 8
È tuttu prontu, la tàula è ccunsàta,
spettamu tanti amici furastieri
paru cu’ tutti li parabitani!..
Stasira è festa crossa a stu paese,
la sacra t’’a patata se rinnova;
quista è l’ottava e nui nci simu ’ncora!..
Nc’è tanta bbedda gente puru st’annu,
gente prasciata, cu’ la facce ’llecra;
la musica ca ’nvate lu quartiere
se spande an cielu paru cu’ llu ndoru:
ndoru te pietanze sapurìte
ca l’imu fatte nui cu’ le patate.
Poi, nd’àggiu ddummandatu quarchetunu,
cu sentu cci nde tice e cci nde pensa,
cu sentu ci è cuntentu o se lamenta.
Ma quiddu, appostu a mmie cu mme risponde,
te quartu me ’ncuzzètta sta dumanda:
timme, cc’iti misu intru lli piatti
ca n’iti tatu stu bbeddu sapore?
Jeu ne rispondu cu’ sudisfazzione:
nu’ nc’è secretu ... "patate te le macche"
’mpastate cu’ lu core!...
Cesare GIANNELLI
|
|
|
